[ ८०]
राग काफी—तीन ताल
हौं हरिदास-दास कौ दास।
परम अनुग्रह करि पूरी प्रभु ने मो मन
की आस॥
तन-मन, धन-जन,
कछु नहिं मो पै, हौं चरननि कौ चेरौ।
बड़भागी को मो सम, पायौ पद-कमलनि महँ डेरौ॥
नहिं कछु साधन कौ बल, हौं तौ दास-दास-पद-धूल।
यहै एक अवलंब, परम बल, यहै सजीवन मूल॥
श्रीहरि के प्रिय दास, जानि मोहि निज दासनि कौ दास।
सब अपराध छमा करि राख्यौ निज चरननि के
पास॥
-नित्यलीलालीन भाईजी श्रीहनुमान प्रसादजी पोद्दार
0 comments :
Post a Comment