पदरत्नाकर

॥श्रीहरि:॥

८३

प्रभु ! तुम अपनौ बिरद सँभारौ।

हौं अति पतित, कुकर्मनिरत, मुख मधु, मन कौ बहु कारौ॥

तृस्ना-बिकल, कृपन, अति पीडित, काम-ताप सौं जारौ।

तदपि न छुटत विषय-सुख-‌आसा, करि प्रयत्न हौं हारौ॥

अब तौ निपट निरासा छा‌ई, रह्यौ न आन सहारौ।

एक भरोसौ तव करुना कौ, मारौ चाहें तारौ॥

८४

प्रभु ! मोहि दे‌उ साँचौ प्रेम।

भजौं केवल तुमहि, तजि पाखंड, झूँठे नेम॥

जरै बिषय-कुबासना, मन जगै सहज बिराग।

होय परम अनन्य तुहरे पद-कमल-‌अनुराग॥

—परम श्रद्धेय नित्यलीलालीन श्री हनुमान प्रसाद जी पोद्दार – भाईजी , पदरत्नाकर कोड- 50, गीता प्रेस , गोरखपुर